Аялалын хөтөлбөр
Өдөр 1. Улаанбаатар - Токио
Өглөө Чингис хаан олон улсын нисэх онгоцны буудал дээр цуглан бүртгэлээ хийлгэнэ. Онгоц Улаанбаатараас хөөрч Токио хотын Нарита нисэх онгоцны буудал дээр бууна. Бүртгэл хийн гарч ирэх үед Аяллын машинтай хөтөч тосон авч Токио хотын аялал эхэлж Дэлхийд алдартай Солонгын гүүр, эрх чөлөөний хөшөө, далай дээр хиймэл газар хийн баригдсан Одайба арлаар аялна. Ийнхүү хотын машинтай аяллын дараа зочид буудалд байрлан амарна.
Үзвэрүүдийн тухай товч мэдээлэл
- Нарита олон улсын нисэх буудал нь 1978 онд нээгдсэн. 1978-2021 он хүртэл нийт 6’417’771 нислэг хийгдсэн. Өдөрт дунджаар 430 нислэг хийгддэг. 2021 он 12 сарын 31 өдөр хүртэлх Нарита нисэх онгоцны буудлаар зорчсон нийт зорчигчдын тоо 1’128’740’792 хүн зорчсон байна. Өдөрт дунджаар 34380 зорчигч үйлчилдэг. Та манай компаниар аялан дээрх тоог хамт шинэчлэх гэж байна.
- Солонгын гүүр нь 798 метр урт бөгөөд уг гүүрэн дээрээс Одайба арал болон Токио хотын үзэсгэлэнт харагдцыг харна.
- Одайба арал нь 1853 онд гадаадын түрэмгийллээс хамгаалах зорилготой Готэн уул, Яцу уулыг буулган арал босгосон хиймэл арал юм. Өдгөө Токио бүсийн том аяллын бүс нутаг болсон.
- Twin room /2ортой, 2хүн/
- Double Room /1 ортой, 2 хүн/
Өдөр 2: Фүжи уулын аялал
Өглөөний цайгаа уусны дараа бид Фүжи уулыг зорих ба ойролцоогоор 2 цаг орчим яваад эхний үзвэр болох Овакудани цогцолбор газраар аялна (Овакуданийн алдарт өндөг нь энгийн тахианы өндөг боловч халуун хүхэртэй булагт чанаснаар өндөгний хальс урвалд орж хар өнгөтэй болон хувирдаг. Орон нутгийн уламжлалд идсэн хар өндөг тутамд долоон нас нэмэгддэг гэж үздэг). Уг цогцолбор газарт та Дүүжин замаар аялан байгалийн тогтцыг харна. Харин үүний дараа Хаконэ -ийн билэг тэмдэг болсон Аши нуурыг үзнэ. Дээрх хоёр үзвэр нь ойролцоо байрлах ба тус нууранд алдарт далайн дээрэмчдийн завиар аялах юм. Дээрх үзвэрүүдийн дараа өдрийн хоол идэн, Япон үндэстний уламжлалт хэв маягийг шингээсэн, байгалын тогтоцтой “Юүрари” халуун рашаанд орж аяллын алжаалаа тайлна. . Орой Фүжи уулын бэлд байх халуун рашаантай зочид буудалдаа ирж амарна. Оройн хоолоо зочид буудалдаа идэх болно.
Үзвэрүүдийн тухай товч мэдээлэл
- Овакудани (大涌谷, “Буцалж буй хөндий”) нь Японы Канагава мужид байрладаг ба 3000 жилийн өмнө Хаконе уулын сүүлчийн дэлбэрэлтийн үеэр үүссэн тогоонуудын эргэн тойрон дахь цогцолбор газар юм. Өнөөдөр энэ нутгийн ихэнх хэсэг нь идэвхтэй галт уулын бүс бөгөөд хүхрийн утаа, халуун рашаан, халуун гол зэрэг тус нутгийн онцлог ихтэй газруудаар дүүрэн байдаг. Нэмж дурдахад Овакудани нь цэлмэг өдрүүдэд Фүжи уулыг харах газруудын нэг.
- Аши нуур (芦ノ湖, Ашиноко) нь 3000 жилийн өмнө галт уулын дэлбэрэлтийн дараа Хаконэ уулын голд үүссэн. Өдгөө Фүжи уул шууд харагдах тус нуур нь Хаконегийн бэлгэдэл юм. Нуурын эрэг нь зүүн болон хойд хэсэгт байрлах жижиг хотууд, нуурын эрэг дээрх амралтын газрууд зэргээрээ алдартай. Нуурын хамгийн сайхан үзэмжийг та Фүжи уултай хослуулан Мото-Хаконе (үзэх завины зогсоолоос урагшаа хэдэн алхмын зайд), Хаконе цэцэрлэгт хүрээлэн, нуураар аялж буй аялалын завинаас харах боломжтой.
· Фүжи уул нь далайн түвшнээс 3776 метр өндөр мөнх цаст идэвхтэй галт уул юм.
Өдөр 3: Фүжи-Токио аялал
Өглөөний цайгаа уусны дараа Фүжи уулын баруун бэлд байх Ширайто хүрхрээ рүү явна. Энд Ширайто хүрхрээнээс гадна нэг урсацтай Отодоме хүрхрээг үзэн дурсгалын зураг татуулах боломжтой. Энэ өдрийн дараагийн үзвэр нь Аракураяама сэнгэн цэцэрлэгт хүрээлэн ба энд Фүжи уулын хамгийн үзэсгэлэнтэй харагдах хэсгээс дурсгалын зураг авна. Үүний дараа Токио хот руу буцах ба замдаа Шибүяа дүүрэг дэх хамгийн том гэрлэн дохионы уулзвар Сукуранбүр болон Хачико нохойны хөшөө үзнэ. Ийнхүү манай энэ өдрийн аялал өндөрлөж буудалдаа байршин амрах болно.
Үзвэрүүдийн тухай товч мэдээлэл
- Ширайто хүрхрээ нь Япон улсын Фүжи уулын ойролцоох Фүжиномия -д байрладаг. Ширайто хүрхрээ нь Японы Байгаль орчны яамнаас 1990 онд нийтэлсэн “Японы шилдэг 100 хүрхрээ”-д багтсан ба 2013 онд хүрхрээ Фүжисаны соёлын дурсгалт газрын нэг хэсэг болгон Дэлхийн өвийн жагсаалтад орсон байдаг.
- Аракура яaма сэнгэн цэцэрлэгт хүрээлэн нь Фүжи уулыг хамгийн үзэсгэлэнтэй авах боломжтой газар юм. Энэ цэцэрлэгт хүрээлэнд 650 орчим Сакура мод цэцэглэдэг.
- Шибүяа дүүргийн сукуранбүр уулзвар нь нэг удаагийн гэрлэн тохиогоор ойролцоогоор 1000 хүн гардаг. Мөн дэлхийд танигдсан Хачико нохойны дурсгалын хөшөө нь уулзвараас 30 метрийн зайтай байдаг.
Өдөр 4: Токио хотын аялал
Өглөөний цайны дараа жуулчдын заавал үзэх ёстой хамгийн их хөл хөдөлгөөнтэй газар болох Асакуса дүүрэгт байх Японы эртний Буддын Сэнсожи сүмийг үзэх болно. Энд та Шинтогийн шашны сүм болон бэлэг дурсгал, худалдааны гудамжаар аялан танилцаж худалдан авалт хийх болно. Үүний дараа Дэлхийн хамгийн өндөр Токио хотын захиргааны байр руу очин 202 метрийн өндөр дээрээс Токио хотыг тольдох болно. Үдийн дараа Шинагава акуа парк үзэх ба дараа нь Лааны тосон музей үзсэнээр аялал өндөрлөнө. Оройн хоолоо идээд Нарита ОУ-ын нисэх буудалтай орй байрлах буудал руугаа явна.
Үзвэрүүдийн тухай товч мэдээлэл
- Сэнсожи сүм нь 628 онд баригдсан маш урт түүхтэй сүм юм. Япон орны уламжлалт дурсгалын бараа болон сахиус гэх мэт өвөрмөц нандин бараа залгаа байрлах худалдааны гудмаас авах боломжтой.
- Максел аква парк Шинагава нь Токио хотод байх хоёр дахь том аквариум юм. Максел аква парк нь илүү шинэлэг, олон үзвэртэй гэдгээрээ онцлогтой. Тус аква парк нь далайн амьдралыг харуулах хэд хэдэн ялгаатай танхимуудтай. Өнгө өнгийн гэрлээр туяарах усан туннелүүд, мөн дельфиний үзүүлбэрээрээ алдартай.
- “Madame Tussauds TOKYO” бол 60 гаруй бодит хэмжээтэй алдартнуудын лааны барималтай ба түүх болон соёл урлагийн мэдрэмж өгөх музей юм. 250 гаруй жилийн түүхтэй Лондон гэлтгүй дэлхийн өнцөг булан бүрд байдаг уг музей нь 2013 оны 03 дугаар сард Одайба арал дахь “DECKS Tokyo Beach” -д нээгдсэн байдаг. Үзвэрүүд нь хана, хашлага гэх мэт хаалт байхгүй тул та шууд хүрч, зураг авах боломжтой.
Өдөр 5: Токио - Улаанбаатар
Өглөөний хоолны дараа 10:00 -д зочид буудлын өрөөгөө хүлээлгэн өгч Нарита нисэх онгоцны буудал руу зочид буудлын автобусаар явна. Улаанбаатарт онгоц газардсанаар аялал өндөрлөнө.
Monster travel
Аялалын
дэлгэрэнгүй