Сайн байна уу? Харилцагч таны мэдлэгт нэмэрлэхээр МЭДЭХҮЙ булангийн дараагийн дугаарыг хүргэж байна.
Та үүнийг мэдэх үү?
Одайба (お台場) нь Токио хотын төв газраас Солонгон гүүрээр хязгаарлагддаг хүний гараар бүтээгдсэн хиймэл арал юм. Одайба нь анх 1850-иад онд далайн довтолгооноос хамгаалах зориулалтаар тус бүс нутагт баригдсан ба 20 дугаар зуунд японы эдийн засгийн хөөсрөлтийн үеэр далайн боомтын дүүрэг болгон өргөжүүлж, улмаар 1990-ээд оноос хойш худалдаа, аялал жуулчлалын томоохон бүс болгон хөгжүүлсэн байдаг.
Тус арлыг хэдий улсын бодлогоор хөгжүүлж байсан ч томоохон бизнес эрхлэгчид сонирхохгүй байснаар хөгжлийн явц зогсонги байдалд орсон байдаг. Харин “Фүжи ТВ” нь тус арал дээр орчин үеийн студи барьж шилжиж ирсэн хамгийн том бизнесийн төлөөлөгч болсон. Үүнээс гадна Decks Tokyo Beach худалдааны төв нүүж ирснээр уг бүс нутагт бусад аялал жуулчлал, худалдааны төвүүд шилжих замыг нээсэн байдаг. Ингэж л нэг бизнес нөгөө бизнесүүдийг дагуулсаар бүхэлдээ амралт, аялал зугаалгын газар болж өөрчлөгдсөн.
Одайба арал дээрээс үзэж болох газрууд:
- Palette Town
- Фүжи ТВ төв байр
- Солонгон гүүр
- Мирайкан – шинжлэх ухаан, инновацийн музей
- Tokyo Big Sight
- Aqua city
- Gundam base
- DECKS Tokyo Beach
- Далайн шинжлэх ухааны музей
- Касай Ринкай цэцэрлэгт хүрээлэн
- Эрх чөлөөний хөшөөний хуулбар зэргийг үзэх боломжтой.
