MAXELL AQUA PARK SHINAGAWA

Сайн байна уу? Харилцагч таны мэдлэгт нэмэрлэхээр #МЭДЭХҮЙ буланг хөтлөхөөр боллоо. Тус буланд Япон орны талаарх сонирхолтой баримтууд мөн хөтөлбөрт багтсан үзвэрүүдийн мэдээллийг оруулах болно.

🐬MAXELL AQUA PARK SHINAGAWA🐬

Япон улс бол аквариумаараа алдартай билээ. Тэгвэл Токио хотын төвд байрлах нэгэн шинэлэг аквариумыг та бүхэнд танилцуулъя. Нэмж хэлэхэд дээрх үзвэр манай “Tokyo Unique Tour” аяллын хөтөлбөрт орсон байгаа шүү🙇🏻‍♂️👌.

Уг усан парк нь 2015 оны 1 сарын 20-ний өдөр шинэчлэгдсэн нээгдсэн бөгөөд дан ганц аквариум бус үйлчлүүлж буй хүмүүст олон төрлийн танхимаар үйлчилдгээрээ ялгаатай. Жилд дунджаар 1.5 сая хүн ирдэг аж. 2019 онд AZA’s annual report-д дэлхийн шинэлэг аквариумын тоонд 4 дүгээр байранд жагссан байдаг.

Тус усан парк нь далайн амьдралыг тус тусад нь ангилан ялгасан 12 танхимуудаас бүрдэнэ. Өнгө өнгийн гэрлээр туяарах аквариум болон Вондер тюүб гэх мэт аквариум байдаг нь танд аюулгүйгээр ховор загаснуудыг илүү ойроос харах боломжийг олгодгоороо цор ганц юм. Та энэхүү аква паркыг бүрэн үзэж дуусгахад 🚶3-4 цаг 🚶 шаардлагатай бөгөөд тасралтгүй алхсаар дуусгавал 2 цагт багтаах боломжтой.

Та "Maxell Aqua Park Shinagaqa" аквариумыг үзсэнээр та дараах зүйлсийг харах боломжтой.

💡Хамгийн сүүлийн үеийн технологи: Энэхүү аквариум нь далайн амьтдын үзмэрүүдийг дижитал дэвшилтэт технологи, тэр дундаа LED гэрэлтүүлэгтэй дэлгэц, дэвшилтэт дуугаралттай хөгжим зэрэгтэй нэгтгэж, шинэлэг мэдрэмжийг танд мэдрүүлэх болно.

💡Далайн гахайн/Дельфин үзүүлбэр: Үзэсгэлэнгийн гол газруудын нэг бол гэрлэн шоу, дууны эффектээр сайжруулсан далайн гахайн үзүүлбэр билээ. 1 давхарт байрлах тус үзвэрийн танхим нь 1,758 суудалтай ба 2 давхартаа 126 VIP суудалтай байдаг.

💡Улирал бүрийн сэдэвтэй тохижилт: Аквариум, үзвэрүүд улирлаас хамааран өөрчлөгддөг бөгөөд сакура, зуны баяр, зул сарын баяр зэрэг сэдвүүдийг тохирсон тохижилтоор зочдыг хүлээн авдаг.