Аялалын хөтөлбөр
Өдөр 1. Улаанбаатар - Токио
Өглөөний 06:00 цагт Чингис хаан олон улсын нисэх онгоцны буудал дээр цуглан бүртгэлээ хийлгэнэ. Онгоц Улаанбаатараас 08:55 цагт (MIAT) хөөрч Токио хотын Нарита нисэх онгоцны буудал дээр орон нутгийн цагаар 14:30 цагт (MIAT) бууна. Бүртгэл хийн гарч ирэх үед Аяллын машинтай хөтөч тосон авч Токио хотын аялал эхлэх ба Накамегүро дахь сакура дэлгэрэх үеэрх хамгийн алдартай гудам руу аялна. Энд бид интоорын модоор бүрхэгдсэн дур булаам Мегүро голын эргээр алхах болно Ийнхүү хотын машинтай аяллын дараа зочид буудалдаа байрлан амарна.
Үзвэрүүдийн тухай товч мэдээлэл
- Нарита олон улсын нисэх буудал нь 1978 онд нээгдсэн. 1978-2021 он хүртэл нийт 6’417’771 нислэг хийгдсэн. Өдөрт дунджаар 430 нислэг хийгддэг. 2021 он 12 сарын 31 өдөр хүртэлх Нарита нисэх онгоцны буудлаар зорчсон нийт зорчигчдын тоо 1’128’740’792 хүн зорчсон байна. Өдөрт дунджаар 34380 зорчигч үйлчилдэг. Та манай компаниар аялан дээрх тоог хамт шинэчлэх гэж байна.
- Накамегуро бол Токио хотын дунд урсах Мегуро голын эргэн тойронд байрлах гудамж юм. Энэ нь интоорын модоор бүрхэгдсэн дур булаам голын сувгаар алдартай бөгөөд дотоод болон гадны жуулчид хаврын цагт энэ л газар ирж интоорын цэцэг (ханами) харахыг зорьдог.
- Twin room /2 ортой, 2 хүн/
- Double Room /1 ортой, 2 хүн/
Өдөр 2: Токио-Фүжи аялал
Өглөөний цайгаа уусны дараа бид Фүжи уулыг зорих ба аяллын эхний зогсох цэг бол эх газартай гүүрээр холбогдсон Эношима арал болно. Энд бид далайн эрэг дагуу Иваяа агуй болон Эношима бунхан зэргийг үзнэ. Үүний дараа Фүжи уулын зүүн урд байрлах Япон улсын хамгийн том амьтны хүрээлэнгийн нэг болох Фүжи Сафари дээр очин машинтай болон явган аялал хийнэ. Дээрх үзвэрүүдийн дараа өдрийн хоол идэн, Фүжи уулын баруун бэлд байх Ширайто хүрхрээг зорих болно. Уг байгалийн цогцолбор газарт Ширайто хүрхрээнээс гадна нэг урсацтай Отодоме хүрхрээг харах боломжтой бөгөөд дурсгалын зураг татуулах боломжтой. Орой Фүжи уулын бэлд байх халуун рашаантай зочид буудалдаа ирж амарна. Ингэснээр бид Фүжи уулыг бүтэн нар зөв тойрон аялал хийж байгаа юм.
**Оройн хоолоо зочид буудалдаа идэх болно.
Үзвэрүүдийн тухай товч мэдээлэл
- Эношима (江の島) нь Канагава мужид байрлах 4 км орчим тойрогтой, эх газартай гүүрээр холбогдсон жижиг арал юм. Эношима бол дарвуулт онгоцны боомт, ой модтой толгод гэсэн хоёр хэсэгт хуваагдсан үзэсгэлэнтэй арал бөгөөд хоёуланд нь зөвхөн алхах болон төлбөртэй урсдаг шат ашиглан аялах боломжтой.
- Фүжи уулын бэлд далайн түвшнээс дээш 850м өндөрт орших Японы хамгийн том сафари парк байрладаг. Байгалийн нөхцөлд арслан, анааш, ирвэс, заан, баавгай зэрэг зэрлэг амьтад хэрхэн амьдарч байгаатай танилцана.
- Ширайто хүрхрээ нь Япон улсын Фүжи уулын ойролцоох Фүжиномия -д байрладаг. Ширайто хүрхрээ нь Японы Байгаль орчны яамнаас 1990 онд нийтэлсэн “Японы шилдэг 100 хүрхрээ”-д багтсан ба 2013 онд хүрхрээ Фүжи уулын соёлын дурсгалт газрын нэг хэсэг болгон Дэлхийн өвийн жагсаалтад орсон байдаг.
Өдөр 3: Фүжи-Токио аялал
Өглөөний цайгаа уусны дараа Фүжи уулын хамгийн их жуулчдыг татах Аракураяама сэнгэн цэцэрлэгт хүрээлэнд алхах ба Фүжи уулын хамгийн үзэсгэлэнтэй харагдах хэсгээс дурсгалын зураг татуулна. Үүний дараа Фүжи уулын ойролцоох Яаманака нуурыг үзнэ. Үзвэрийн дараа Токио хот руу буцах ба замдаа Шибүяа дүүрэг дэх хамгийн их хүн зорчдог гэрлэн дохионы уулзвар Сүкүранбүр болон Хачико нохойны хөшөө үзнэ. Ийнхүү манай энэ өдрийн аялал өндөрлөж буудалдаа байршин амрах болно.
Үзвэрүүдийн тухай товч мэдээлэл
- Аракура яaма сэнгэн цэцэрлэгт хүрээлэн нь Фүжи уулыг Сакура ургах үеэр хамгийн үзэсгэлэнтэй хэсгээс харах боломжийг олгодог газар юм. Энэ цэцэрлэгт хүрээлэнд 650 орчим Сакура мод цэцэглэдэг.
- Яаманака нуур нь Фүжи уулын ойролцоох Яаманаши мужийн зүүн хэсэгт орших ба гадаргуугийн талбайн хувьд Фүжи уулыг тойрсон таван нуурын хамгийн том нь бөгөөд урд, баруун, хойд эрэг дагуух зочид буудал, зуслангийн газар, зоогийн газруудаараа алдартай. Яаманака нуур нь Фүжи уултай хамгийн ойрхон орй байрлах ба жуулчдыг нууран дээрх завь, загасчлал, серфинг болон бусад усан спорт мөн эрэг дагуух спортын талбай зэргээрээ татдаг.
- Шибүяа дүүргийн сүкүранбүр уулзвар нь нэг удаагийн гэрлэн тохиогоор ойролцоогоор 1000 хүн гардаг. Мөн дэлхийд танигдсан Хачико нохойны дурсгалын хөшөө нь уулзвараас 30 метрийн зайтай байдаг.
Өдөр 4: Токио хотын аялал
Өглөөний цайны дараа алдарт Токио цамхгийг харан дурсгалын зураг авхуулах бөгөөд цааш жуулчдын заавал үзэх ёстой хамгийн их хөл хөдөлгөөнтэй газар болох Асакуса дүүрэгт байх Японы эртний Буддын Сэнсожи сүмийг үзэх болно. Энд та Шинтогийн шашны сүм болон бэлэг дурсгал, худалдааны гудамжаар аялан танилцаж худалдан авалт хийх боломжтой. Өдөр Асакуса дүүрэг дахь Tokyo Cruise -ийн төв усан боомтоос Одайба арал хүртэл Усан автобусаар аялал хийнэ. Одайба арал дээр бид 30-40 минутын бяцхан аялал хийх ба үүнээ хойш shopping time эхэлнэ. Ийнхүү аялал дуусан орой Нарита ОУ-ын нисэх буудалтай ойр байрлах буудал руугаа явж амарна.
Үзвэрүүдийн тухай товч мэдээлэл
- Сэнсожи сүм нь МЭ628 онд баригдсан маш урт түүхтэй сүм юм. Япон орны уламжлалт дурсгалын бараа болон сахиус гэх мэт өвөрмөц нандин барааг худалдааны гудмаас авах боломжтой.
- Гол мөрөн, сувгаар бүрхэгдсэн Токио хотод жуулчдад зориулсан хэд хэдэн завины үйлчилгээ байдаг. Энэ дундаас Усан автобус (水上バス, Suijō Basu) нь заагдсан чиглэлүүдийн хооронд галт тэрэг эсвэл метроны оронд ашиглах сонирхолтой сонголт байна гэдэгт итгэж байна.
- Одайба арал нь 1853 онд гаднын түрэмгийллээс хамгаалах зорилготой Готэн уул, Яцу уулыг буулган арлыг өргөтгөн босгосон байдаг бол өдгөө аялал жуулчлалын гол бүс нутаг болж хөгжсөн.
Өдөр 5: Токио - Улаанбаатар
Өглөөний хоолны дараа 10:00 -д зочид буудлын өрөөгөө хүлээлгэн өгч Нарита нисэх онгоцны буудал руу зочид буудлын автобусаар явна. Улаанбаатарт онгоц газардсанаар аялал өндөрлөнө.
Monster travel
Аялалын
дэлгэрэнгүй