Сидней хотын нисэх онгоцны буудал дээр аяллын хөтөч хүлээж байх ба  Сидней хотын аялал үүгээр эхэлнэ. Энэ өдөр алдарт Сиднейн Харборын гүүрний доор боомт дээр байрлах The Rocks хэмээх түүхэн тосгоноор аялал эхлэх болно. Энэ хэсэгт Сиднейн хамгийн эртний уламжлалт паб болох The Lord Nelson Brewery Hotel байх ба элс, чулуугаар хийсэн олон нарийн, чулуун замууд, түүхэн барилгууд таныг угтан авах болно. Эндээс найман минутын зайд орших Circular Quay дахь усан онгоцны буудал руу явахаасаа өмнө Лорд Нелсонд саатан кофе юм уу, шар айраг ууж болох юм. Дараа нь усан онгоцонд сууж та Сиднейн дуурийн театр, Харборын гүүр зэрэг үзэсгэлэнт газруудыг үзэж Манли эрэг рүү усан онгоцны нийт 30 минутын аялал хийнэ. Эрэг дээр буусны дараа Manly Wharf зочид буудалд боломжийн үнээр хооллож, Circular Quay руу буцах усан онгоцонд сууж буцна. Өдрийн төгсгөлд та Дуурийн театрын хажууд байрлах Опера бааранд коктейл шимж нар жаргахыг ажиглах боломжтой. Үүгээр эхний өдрийн аялал өндөрлөх ба буудалдаа очиж амрах болно.

•      Энэ өдөр та Сидней хотын Бизнэсийн төв дүүрэг болон Дарлинг боомтын эргэн тойронд байрлах олон сонирхолтой газруудтай танилцах болно. 2 дахь өдрийн аялал хотын төвд байрлах Сидней цамхгаас эхэлнэ. 309 метрийн өндөрт орших Сидней цамхаг нь хотын хамгийн өндөр барилга бөгөөд ажиглалтын тавцангаас та бүтэн хотыг тольдон харах боломжтой. Түүнчлэн, энд шилэн шалтай Skywalk тавцан байрладаг бөгөөд маш экстрим мэдрэмж мэдрэх боломжтой.
•    Үүний дараа хотын хамгийн эртний цэцэрлэгт хүрээлэн болох Hyde Park руу явна. Уг цэцэрлэгт хүрээлэн нь зам дагуух гоёмсог инжир модоор алдартай. Мөн Hyde Park дотор та дэлхийн нэгдүгээр дайны үед үүрэг гүйцэтгэсэн Австрали, Шинэ Зеландын армийн корпусыг хүндэтгэдэг Анзакийн дурсгалын хөшөөг олж харах болно.
•     Дараагийн очих газар бол Сиднейн олон ногоон байгууламжийн нэг болох Шинэ Өмнөд Уэльсийн уран зургийн галерей юм. Энэхүү урлагийн галерей нь Австрали, Ази, Европын урлагийн олон төрлийн цуглуулгатай. Нэвтрэхэд үнэ төлбөргүй байдаг ч Арчибалдын шагнал гэх зэрэг зарим тусгай танхимд нэмж тасалбар авах шаардлагатай.
•      Эндээс Сиднейн бизнес төв дүүргээр алхаж, Сиднейн худалдааны дүүргийн гол зүрх болсон Pitt Street Mall руу явцгаана. Сиднейд олон том боомт, булан байдаг ч хамгийн сонирхолтой нь Дарлинг боомт юм. Энэ газар нь зөвхөн хотын төв хэсэг төдийгүй соёл, урлаг, цэнгэлийн гол хэсэг юм. Энд та маш олон үзвэрийг үзэж болно. Жишээ нь:  Сиднейн аквариум, Мадам Тюссогийн лааны тосон музей, Австралийн үндэсний далайн музей зэрэг орно. Үүний дараа Сидней хотын Чайнатаунд оройн зоог барьж 2 дахь өдрийн аялал дуусах болно.